कैलाली,१७, जेठ ।
कैलालीको गोदावरी नगरपालिकामा एक दम्पती मृत अवस्थामा फेला परेको प्रहरीले जनाएको छ ।गोदावरी नगरपालिका ७ का ६५ वर्षीय हेमबहादुर ऐर र उनकी श्रीमती ५४ वर्षीया पद्मा ऐर मृत अवस्थामा भेटिएको कैलालीका प्रहरी प्रवक्ता नायव परीक्षक (डीएसपी) वेदप्रकाश जोशीले जानकारी दिए ।प्रवक्ता जोशीका अनुसार श्रीमती पद्मा ऐरको शव धारिलो हतियारले घाँटी रेटेको अवस्थामा घरभित्रै फेला परेको थियो । यस्तै, श्रीमान् हेमबहादुरलाई घर नजिकै रहेको रुखमा झुण्डिएको अवस्थामा स्थानीयले देखेपछि प्रहरीलाई खबर गरेको थियो ।दम्पती मृत अवस्थामा फेला परेको खबर पाएलगत्तै घटनास्थलमा पुगेको प्रहरी टोलीले शवलाई पोष्टमार्टमका लागि सेती प्रादेशिक अस्पतालमा पठाएको छ ।घटनाबारे अनुसन्धान भइरहेको जिल्ला प्रहरी कार्यालय कैलालीले जनाएको छ ।
