१७ चैत, काठमाडौं ।
दीपेन्द्र सिंह ऐरीले टी-२० अन्तर्राष्ट्रियमा चौथो अर्धशतक प्रहार गरेका छन् ।बिहीबार त्रिवि क्रिकेट मैदान कीर्तिपुरमा पपुवा न्यूगिनीविरुद्धको खेलमा उनले अर्धशतक पूरा गर्दै समग्रमा टी-२० अन्तर्राष्ट्रियमा चौथो अर्धशतक बनाएका हुन् । १८औं ओभरको सुरुवाती तीन बलमा लगातार तीन छक्का प्रहार गर्दै दीपेन्द्रले अर्धशतक पूरा गरे ।उनी ३३ बलमा तीन चौका र चार छक्काको मद्दतमा ६६ रन बनाएर आउट भए ।
