जनकपुर — प्रदेश २ सरकारले कृषि विश्वविद्यालयको उपकुलपतिमा डा. वैद्यनाथ महतोलाई नियुक्त गरेको छ । प्रदेश सरकारले सप्तरीको राजविराजमा कृषि विश्वविद्यालय स्थापनाका लागि अध्यादेशमार्फत विधेयक ल्याएको थियो ।
मुख्यमन्त्री लालबाबु राउतले महतोलाई मंगलबार नियुक्त गरेका हुन् । सिरहाको मिर्चैया नगरपालिका २ का उपकुलपति महतो यसअघि प्रदेश २ कै नीति तथा योजना आयोगका सदस्य थिए ।
प्रदेश सरकारको महत्त्वाकांक्षी योजना रहेको कृषि विश्वविद्यालयको स्थापना तथा सञ्चालनको लागि उनलाई नियुक्त गरिएको हो ।
