चितवन २५ माघ । भरतपुरको एक फर्निचर उद्योगमा आगलागी भएको छ । भरतपुर महानगरपालिका–५ नारायणपुरमा जीवन श्रेष्ठको रोयल फर्निचर उद्योगमा शनिबार बिहान साढे चार बजेतिर आगलागी भएको हो ।
विद्युत् चुहावटका कारणले आगलागी भएको जिल्ला प्रहरी कार्यालय चितवनले जनाएको छ । बिहानदेखि लागेको आगो अझैसम्म पनि पूर्णरुपमा नियन्त्रणमा आउन नसकेको प्रहरीले जानकारी दिएको छ ।
आगो नियन्त्रणका लागि स्थानीय, नेपाल प्रहरी, नेपाली सेना, सशस्त्र प्रहरीसँगै भरतपुर महानगरपालिका, खैरहनी नगरपालिका, दियालो बङ्गला आँपटारी र कावासोतीको गरी पाँच वटा दमकलले काम गरिरहेको बताइएको छ । क्षतीको विवरण भने हालसम्म आउन सकेको छैन् ।
