रौतहट,२४ असोज ।
६४ औं प्रहरी दिवस २०७६ को अवसरमा प्रदेश नम्बर २ संघिय प्रहरी ईकाई कार्यालय, जनकपुरले उत्कृष्ट कार्य सम्पादनको उच्च मुल्यांकन गर्दै रौतहटका तिन प्रहरी अधिकारीहरुलाई सम्मान गरेको छ ।
सम्मानित हुनेमा रौतहटका प्रहरी प्रमुख प्रहरी उपरीक्षक भूपेन्द्र बहादुर खत्री, ईलाका प्रहरी कार्यालय चन्द्रनिगाहपुरका प्रमुख प्रहरी नायव उपरीक्षक कवित कट्वाल तथा अपराध अनुसन्धान टीमको नेतृत्व गरिरहेका प्रहरी निरीक्षक पपु नायक रहेका छन् ।
उनीहरुलाई प्रदेश नं. २ का मुख्यमन्त्री लालबाबु राउतले शुक्रबार सम्मानित गरेका हुन।
जिल्लाको शान्ति सुरक्षा, तस्करी नियन्त्रण, फरार अभियुक्त खोजताल लगायतका अन्य सरक्षा सम्बन्धित कार्यमा अहोरात्री खटि सक्रिय भुमिका निर्वाह गरेका प्रहरी अधिकारीहरुलाई प्रहरी प्रदेश कार्यालय जनकपुरले सम्मान गरेको हो ।
साथै सोही अवसरमा जिल्ला प्रहरी कार्यालय रौतहटको परिसरमा आयोजित कार्यक्रममा जिल्लाका अन्य १० जना प्रहरी अधिकृत तथा जवानहरु समेत पुरस्कृत भएको जिल्ला प्रहरी कार्यालय रौतहटका प्रबक्ता प्रहरी नायव उपरीक्षक नविन कार्कीले जानकारी दिनु भयो ।
