आरके श्रीवास्तव ।
ओमान, ७ अक्टोबर ।
ओमानमा चलिरहेको पाँच राष्ट्र सम्मिलित टि२० सिरिजमा नेपालले लगातार दोस्रो पटक जित दर्ज गर्न सफल भएको छ । ओमान क्रिकेट एकेडेमीमा चलिरहेको सिरिजमा हङकङ पछि आज सोमबार नेदरल्यान्ड लाई पनि चार विकेटले हराउन सफल भएको छ । राजधानी मस्कट को अल अमिरात स्थित क्रिकेट ग्राउण्डमा भएको खेलमा मैन अफ दि मैच घोषित करन केसीले ३१ रन बनाएका थिए भने बलिङ तर्फ चार विकेट लिएका थिए । त्यस्तै सन्दिप लामिछानेले पनि चार विकेट हात पारेका थिए । केसी र लामिछानेले नेपाललाई विजयी बनाएका थिए । टस जितेर नेपालले क्षेत्ररक्षण गर्ने निर्णय गरेको थियोे । नेदरल्यान्डले १९ ओभर ३ बलमा १ सय ३३ रन बनाएर अलआउट भएको थियोे । नेदरल्यान्ड को तर्फबाट म्याक्स ओदाउदले सर्वाधिक ४३ रन बनाएका थिए । जवाफमा नेपालले १९ ओभर ५ बल खेल्दै ६ विकेटको क्षतिमा १ सय ३४ रन बनाएर जित हासिल गर्न सफल भएको थियो ।
नेपालका लागि कप्तान पारस खड्का ३३ ,विनोद भण्डारी २६ ,पवन सर्राफ ९, ओरिफ शेख २, डिएस एरि ८, रोहित पौडेल ५ ,सोमपाल कामीले ३ रनको योगदान दिएका थिए । ब्याटिङ र बलिङतर्फ उत्कृष्ट प्रदर्शन गरेकोले केसीलाई म्यान अफ द म्याच दिईएको थियोे । स्मरणीय होस् हिजो आईतवार नेपालले हङकङ लाई चार विकेटले हराएको थियो । आजको जित सँगै नेपाल अंकतालिका मा चार अंक सँगै दोस्रो स्थान छ भने ओमान रनरेटको अधारमा पहिलो स्थानमा रहेको छ । नेपालले आफनो तेस्रो खेल ९ अक्टोबर २०१९ बुधबारका दिन स्थानीय समय अनुसार बिहान ९ बजे खेल्नेछ ।
