पोखरा । प्रिन्टिङ्ग जगतमा प्रख्यात जापानिज ब्रान्ड ब्रदर तथा कोनिका मिनोल्टाको पोखरामा डिलर मिट तथा सेमिनार आयोजना गरेको छ ।
पोखराका लागि आधिकारीक बिक्रेता कस्मिक कम्प्युटिङ्ग सलुसन्सको संयोजनमा पोखरा र यस आसपासका जिल्लाका डिलरहरुको सहभागिता रहेको थियो ।
सागर गु्रप काडमाडौंको आयोजनामा भएको कार्यक्रम ब्रदर कम्पनीको टोनर बक्स सिरीज साथै कोनिका मिनोल्टाका ब्रान्डका फोटोकपि मेसिनको कार्यशालामा लाइभ डेमोस्ट्रेसन तथा फिचरहरुको बारेमा सागर गु्रपका टेक्निकल हेड साजन मानन्धरले जानकारी गराएका थिए ।
सागर गु्रपका नेशनल सेल्स डाइरेक्टर पूजनलाल श्रेष्ठले सहजीकरण र कम्पनीको मार्वेmटिङ्ग शाखाका सुबोद खनालले ‘एक्सल्याब’, ‘माइक्रोप्याक’ ‘क्यासपरस्की’ लगायतका ब्रान्डका बारेमा जानकारी गराएका थिए ।
कार्यक्रममा क्यान महासंघका केन्द्रीय सदस्य चिन्तामणि बास्तोला एवं क्यान महासंघ गण्डकी प्रदेशका अध्यक्ष गुणानिधि पाण्डेले प्रिन्टर व्यवसाय सम्बन्धि आफ्नो अनुभव र शुभकामना मन्तव्य व्यक्त गरेका थिए ।
कस्मिक कम्प्युटिङ्ग सलुसन्सका सञ्चालक स्वयम्बु कुँवरले कार्यक्रमको संयोजन र सहजीकरण गरेका थिए । करिव ८० डिलरहरुको सहभागिता रहेको कार्यक्रममा सहभागिहरुले ब्रदर तथा कोनिका मिनोल्टाको प्रिन्टिङ्मेसिनहरुको प्रविधि, बिक्री पछिको सेवा, मूल्य, बजार प्रवर्धन लगायतका विषयहरुमा प्रश्नोत्तर आदान प्रदान गरि कार्यक्रम सम्पन्न भएको थियो ।

LEAVE A REPLY

Please enter your comment!
Please enter your name here