अस्पतालमा भेन्टिलेटरको व्यवस्था मेरो पहिलो प्राथमिकता : अध्यक्ष राउत ।

साधारण सभामा क्षीरेश्वरनाथ नगरपालिकाको पूर्व मेयर योगेन्द्र पजियार, क्षीरेश्वरनाथ नगरपालिकाका वडाध्यक्षहरु देबु यादव, अमर किशोर सिंह, मोद कुमार महतो, कार्यपालिका सदस्य दिपक कुमार साह, क्षीरेश्वरनाथ उद्योग वाणिज्य संघका अध्यक्ष सुरेश यादव, कोषाध्यक्ष विनय कुमार साह, नेपाली सेनाका मेजर श्याम बि.क. लगायतको उपस्थिती रहेको थियो ।नवनिर्वाचित समितिलाई क्षीरेश्वरनाथ नगरपालिकाका पूर्व मेयर योगेन्द्र पजियारले सफल कार्यकालको शुभकामना दिएको थियो ।

पूर्व नगर प्रमुख पजियारकै कार्यकालमा क्षीरेश्वरनाथ नगरपालिका र युएनडिपीको करिब सबा २ करोडको सहयोग लागतमा स्थापनमा भएको २२ शैय्याको सो सर्पदंश उपचार केन्द्रलाई मधेसकै उत्कृष्ट अस्पताल बनाउने अभियानमा सबैको साथ र सहयोग रहनुपर्नेमा जोड दिए । प्रदेशका ८ वटा जिल्ला मध्ये धनुषा, महोत्तरी सर्लाहीका बर्षेनी सयौंको संख्यामा सर्पले टोकेका विरामीले निःशुल्क सेवा लिने गरेको हुँदा यस अस्पतालमा मधेश प्रदेश सरकारको भरपुर लगानीको आवश्यकता रहेको बताए ।त्यसैगरी अस्पतालका लागि चयन भएका अध्यक्ष राउतले हालसम्म सर्पले टोकेको विरामीको उपचारमा क्षीरेश्वरनाथ सर्पदंश उपचार केन्द्रलशतप्रतिशत सफलता पाएको बताए । उनले सर्पको टोकाईबाट कम र टोकाईपछि डरले सर्प टोकाईबाट ५० प्रतिशत बिरामीको मुत्यु हुने गरेको हुँदा सो सम्बन्धी जनचेतना फैलाउने कार्यको तिब्रता दिने बताए । यस भेगमा किसानी पेशमा धेरैजसो व्यक्तिहरु संलग्न रहेकोले सर्पदंश सम्बन्धी जनचेतना फैलाउनु नितान्त आवश्यकता अध्यक्ष राउतले बताए ।

अध्यक्ष राउतले हालसालै बर्दिबासको सर्पदंश अस्पतालमा भेन्टिलेटरको अभावमा एक जना सर्पदंशका विरामीको मृत्यु भएको उदाहरण सुनाउँदै अस्पतालमा सधन उपचारको लागि भेन्टिलेटरको व्यवस्था गर्ने पहिलो प्राथमिकता रहेको बताए ।नेपाली सेनाको प्रत्यक्ष चिकित्सक टोलीको प्राविधिक सहयोगमा २०७७ मंसिर २६ गतेदेखि मधेश प्रदेशका मुख्यमन्त्री लालबाबु राउतबाट उद्घाटन भई संचालनमा आएको अस्पतालबाट हालसम्म ४ सय ६१ जनाले निःशुल्क सेवा पाएको उनले जनाए ।मानिसको जीवन अमुल्य हुन्छ त्यसैले पनि कसैको जीवन रक्षा गर्नु अध्यक्षको नाताले मेरो दायित्व रहेको हुँदा अस्पताल संचालन गर्न हरेक थोक व्यवस्थाका निम्ती स्थानीय, प्रदेश र केन्द्र सरकारसँग निरन्तर सहयोगको लागि दौढधुप गर्ने बताए ।

चयन भएको कार्यसमितिको अगामी पहिलो बैठकबाट पदभार ग्रहण गरी अस्पतालको काम कारवाहीलाई तिब्र पार्ने प्रतिबद्धता उनले जनाए ।अस्पतालमा नेपाली सेनाको तालिम प्राप्त चिकित्सको प्राविधिक टोलीसहित २ जना कर्मचारी अस्पतालमा कार्यरत रहेका छन् ।क्षीरेश्वरनाथ नगरपालिकाको आर्थिक सहयोगबाट अस्पताल संचालन हुँदै आएको अस्पतालका प्रमुख बसन्त यादवले जनाए । त्यस्तै अस्पतालमा मधेश प्रदेश सरकारबाट समेत औषधी सहयोग हुँदै उनले जनाए ।