प्रदिप सिंह सिराहा , भदौ ७//पुर्व पश्चिम राजमार्ग अन्तर्गत सिरहाको धनगढीमाई नगरपालिका वडा नम्बर ३ कशहामा स्थित स्कारपीओ र पिकअप एकापसमा ठोकिएका छन।
एक आपसमा ठोकिएका स्कारपीओ १७(च ९९६५ नम्बरको गाडी पुर्व ईलामबाट काठमाडौ आउँदै गरेको अर्को वीरगंजबाट धरान तर्फ जाँदै गरेको पिकअप प्रदेश २)०३)००१ च ७४१नम्बर को गाडी एक आपसमा ठोकिदा सवार भएका दर्जनौं व्यक्ति घाइते भएका छन् ।
स्कारपिओ र पिकअप गाडीमा घाइते भएका व्यक्तिहरु काठमाडौ का प्रकाश ढकाल, राधेश्याम सापकोटा, चिरञ्जीवी सापकोटा दीपक हमाल ,सरोज पौडेल , दक्षिणकाली का राजु नगरकोटी उमेश सुवेदी देवेन्द्र सुवेदी ,धरान का किशोर कुमार पोखरेल र गौशाला का विजय कुमार भुजेल रहेका छन्।
घाइते भएका ब्यक्तिहरुलाई उपचारका लागि स्थानीय आरके मेडीसिटी अस्पतालमा लगिएको र उनीहरूको अवस्था सामान्य रहेको ईलाका प्रहरी कार्यालय धनगढीले जनाएको छ भने दुर्घटनामा गम्भीर घाइते भएका राजु नगरकोटीलाई अस्पतालले बाहिर रिफर गरिएको अस्पताल स्रोतले जानकारी दिनु भएको छ।
