रौतहट जिल्लाको राजदेवी नगरपालिकाको वडा नं ७ मुडवलवामा राजदेवी नगरपालिकाको मेयर धिरेन्द्र सिंहले एक कार्यक्रमको बीच शुक्रवार विश्वकर्मा मन्दिरको शिलान्यास गरेको छ ।
नगर प्रमुख सिंहले विधिवत रुपमा पुजा अर्चना गरी बिश्वकर्मा बाबाको मन्दिरको शिलान्यास गर्नु भएको छ । राजदेवी नगरपालिकाको आर्थिक सहयोगमा मुडवलवा स्कुल देखि बेलबिछवा जाने बाटोमा उक्त मन्दिरको शिलान्याश गरिएको हो ।बिरेन्द्र ठाकुरले विश्वकर्मा मन्दिर निर्माणको लागि उपलब्ध गराएको जग्गामा बिश्वकर्मा मन्दिरको शिलान्यास गरीएको हो ।
शिलान्यास कार्यक्रममा नगर प्रमुख धिरेन्द्र कुमार सिंह, गौर नगरपालिकाका उप प्रमुख किरण ठाकुर, डा. रामा शंकर ठाकुर, रौतहट जिल्ला लोहार संघको पुर्व सचिव नथुनी ठाकुर, राजदेवी नपा वडा नं – ७ मुडवलवा वडाध्यक्ष उम्मेदवार धर्मेन्द्र प्रसाद यादव, लक्ष्मीपुर बेलबिछवा चौकीका असई लगायत गाउँका स्थानीय समाजसेवी, भरभलादमी,चारकर्मीहरुकोउपस्थित रहेको थियो।
