रौतहट ३ भदौ ।
रौतहट बाट प्रहरीले स्रोत नखुलेको रकमसहित २ जनालाई पक्राउ गरेको छ । पक्राउ पर्नेमा भारत विहार राज्यको सितामढी बैरगनिया ग्राम पञ्चायत वडा नं १ सिन्दुरिया बस्ने ४५ बर्षिय शान्ति देवि र सोही स्थानमा बस्ने अर्का ४५ बर्षिय मिना देवि रहेको प्रहरीले बताएको छ। बिशेष सुचनाको आधारमा अस्थायी प्रहरी पोष्ट महादेवपट्टीको प्रहरी निरिक्षक मनोज कुमार सिंहको कमाण्डमा खटिएको गस्ति टोलीले रौतहटको गौर नगरपालिकाको वडा नम्बर ३ स्थित दशगजा क्षेत्रमा घाँस काट्न भनी आएका उनीहरुलाई स्रोत नखुलेको नेपाली नगद ६ लाख चालिस हजार सहित पक्राउ गरेको हो। पक्राउ परेका ति २ महिलासंग रहेको प्लाष्टिकको झोला चेकजाच गर्दा उक्त झोलामा रकम फेला परेको प्रहरीले बताएको छ। बुधबार नै थप कारवाहीको लागी अनुसन्धान शुरु गरि सकेको जिल्ला प्रहरी कार्यालय रौतहटले जनाएको छ ।
