सर्लाही ३ साउन ।
सर्लाही बागमतीको नहरमा डुबेर शनिबार अपराह्न एक महिलाको मृत्यु भएको छ। बागमती नगरपालिका ८ सोल्टीस्थित बागमती सिँचाइ आयोजनाको मानपुर शाखा नहरमा डुबेर अन्दाजी ४१र४२ वर्षकी अम्बिका काफ्ले सुवेदीको मृत्यु भएको प्रहरीले जनाएको छ। बागमती नगरपालिका ६ घर भएका गोविन्द सुुवेदीकी श्रीमती उनी केही समय पहिलादेखि नगरपालिकाकै वडा नम्बर ८ काफ्ले टोलस्थित माइतमा बस्दै आएकी थिइन्। काफ्लेलाई नहरले बगाउँदै गरेको अवस्थामा स्थानीयले देखेपछि तत्काल उद्धार गरेका थिए। उनलाई उपचारका लागि बरहथवा लैजाँदै गरेको अवस्थामा बाटोमै मृत्यु भएको इलाका प्रहरी कार्यालय बरहथवाका प्रहरी निरीक्षक राजेन्द्र प्रसाद यादवले जानकारी दिए। शव परीक्षणका लागि सर्लाही जिल्ला अस्पताल मलंगवा पठाइएको छ ।
