रौतहट ३२ जेष्ठ । पतौरामा माध्यमिक विद्यालय स्थापना एवं संचालनको लागि विद्यालय पूर्वाधारको शिलान्यास गरियो । आवश्यक जग्गाको अभावमा पतौरा आधारभुत विद्यालयको स्तरवृद्धि हून सकिरहेको थिएन । नगरपालिकाबाट चालु आ.ब. मा झण्डै एक बिघा जग्गा ख़रीद गरी सोही जग्गामा माध्यमिक स्तरको आवश्यक पूर्वाधार निर्माणको थालनी गरिएकोछ । पूर्वाधार निर्माणको लागि अहिले ६० लाख रकम छूट्याएकोले सोही अनुसार निर्माण कार्य हुनेछ । यस क्षेत्रको सांसद मा. प्रभु साहले पतौराबासीमा माध्यमिक बिधालय स्थापनाको लागि गरेको प्रतिबद्धता अनुसार नगरपालिकाले निर्माण कार्य अगाड़ी बढ़ाएको हो । विधालय ब्यावस्थापक समितिद्वारा निर्माण हुने उक्त भवन उपप्रमुख श्री गौरी शंकर जयसवाल लगायतका जनप्रतिनिधिहरूको विशेष उपस्थितिमा सामाजिक दूरी क़ायम गर्दै शिलान्यास कार्यक्रम सम्पन भएकोहो ।
