काठमाण्डौं, २९ बैसाख ।
नेपाली सेनाको हेलिकप्टरले बुधबार सशस्त्र प्रहरीको फौज लिएर छाङरु जाने भएको छ । छाङरु समुद्री सतहबाट ३ हजार ६ सय मिटर उचाइमा पर्छ ।
कालापानी ४ हजार २ सय मिटर उचाइ र त्यसभन्दा माथि लिपुलेक, लिम्पियाधुरा करिब ५ हजार मिटरको उचाइमा पर्छ । नेपाली सेनाका प्रवक्ता विज्ञानदेव पाण्डेले बुधबार छाङ्रुमा हेलिकप्टर पठाउनका लागि गृह मन्त्रालयबाट पत्र आएको बताए ।
छाङरुमा सशस्त्र प्रहरी इन्सपेक्टरको कमान्डमा ३५ जनाको टोली पठाउने तयारी छ । भारतले नेपालको भूमि अतिक्रमण गरेको विषय पटक(पटक उठे पनि भारतीय सीमाको सबैभन्दा नजिकको बिन्दुमा नेपाली सुरक्षाकर्मी तैनाथ गर्न बल्ल जग्गाको व्यवस्था भएको छ ।
सीमा सुरक्षार्थ दार्चुलाको व्यास गाँउपालिका(१, छाङरुमा सशस्त्र प्रहरी बल ९एपीएफ० को फौज राख्न सरकारले केही समय अघि २५ रोपनी जग्गा उपलब्ध गराएको थियो ।
यसका लागि मेडिकल उपकरण,हातहतियार व्यवस्थापन, मौसमी प्रतिकूलता विरुद्ध जुध्ने अन्य उपकरण लगायत बन्दबस्तीका अन्य सामग्रीहरु व्यवस्थापन गर्न सशस्त्र प्रहरीले कार्ययोजना बनाउन थालेको छ ।
यतिबेला सशस्त्र प्रहरी मुख्यालयले छाङरु जाने जनशक्तिको छनोट गरिरहेको छ । यस्तै, सशस्त्रले छाङ्रुमा मा बोर्डर अब्जर्भेसन पोस्ट (बीओपी) खटाउन चाहिने मेडिकल उपकरणको विवरण तयार पार्न सशस्त्र प्रहरी अस्पताललाई जिम्मा दिइसकेको छ । यो समाचार नागरिक टाइम्समा प्रकाशित छ ।
