रौतहट ४ चैत । भाउजुमाथि खुकुरी प्रहार गरी हत्या गर्ने प्रयासको आरोपमा प्रहरीले एक युवकलाई पक्राउ गरेको छ । रौतहट जिल्लाको यमुनामाई गाउँपालिका–१ का राजु कुमार सहनी पक्राउ परेका हुन् ।
राजुले आफ्नै कोठामा सुतिरहेकी भाउजु पुनम सहनीमाथि बिहान ४ बजेको समयमा खुकुरी प्रहार गरेको प्रहरीले बताएको छ । प्रहरीका अनुसार राजुले आफूले भाउजुमाथि खुकुरी प्रहार गरेको स्वीकार गरेका छन् ।
उनले घरायसी विवादका कारण रिसले आफूले खुकुरीले हानेको बताए ।
