सिरहा २७ माघ । सिरहमा बसले ठक्कर दिँदा मोटरसाईकलमा सवार दुई जनाको मृत्यु भएको छ। मृत्यु हुनेमा मोटरसाईकलमा सवार सिरहा नगरपालिका–३ का ४४ वर्षीय शैलेन्द्र मण्डल र २९ वर्षीय अमन मण्डल रहेको प्रहरीले जनाएको छ । उनीहरू दुवैजना जन्ती गएर घर फर्किदै गर्दा दुर्घटना भएको हो ।
सिरहाबाट चोहर्वातर्फ जाँदै गरेको ना। ४ ख ९२४१ नम्बरको बसले सिरहा–चोहर्वा सडकखण्डको नरहा गाउँपालिका५ पानबारीमा सिरहातर्फ आउँदै गरेको लु। १६ प ४४४१ नम्बरको मोटरसाईकललाई ठक्कर दिएको थियो । शवको पोष्टमार्टमका लागि जिल्ला अस्पताल सिरहामा राखेको जिल्ला प्रहरी सिरहाले जनाएको छ । ठक्कर दिने बस र चालक प्रहरीको नियन्त्रणमा रहेको जिल्ला प्रहरी सिरहाले जनाएको छ ।
