सुनसरी, ६ पौष ।
सुनसरीको बराह क्षेत्रबाट एसएलआर हतियारसहित ठूलो परिमाणमा गोली बरामद भएको छ । आइतबार कुखुराको खोरमा गाडेर राखेको अवस्थामा नौ हजार थान गोली र हातहतियार फेला परेको हो ।
जिल्ला प्रहरी कार्यालय सुनसरीका अनुसार गोप्य सूचनाका आधारमा खानतलासी गर्दा उक्त हातहतियार र गोली लुकाएर राखिएको अवस्थामा फेला परेको थियो ।
बरामद गरिएको हतियारबारे अनुसन्धान भइरहेको सुनसरीका प्रहरी प्रमुख यज्ञविनोद पोख्रेलले बताउनु भयो । ठूलो परिणाममा गोली र अत्याधुनिक हतियार बरामद गरिएपछि भरौलमा नेपाली सेना, सशस्त्र प्रहरी र नेपाल प्रहरीलाई परिचालन गरिएको छ ।
