राैतहट,२ पाैष। रौतहटको राजपुर नगरपालिका ३ दमारआजात चोकबाट सशस्त्र सुरक्षा बेस फतुवाको टोलीले तीन जनालाई हतियारसहित पक्राउ गरेको हो ।
पक्राउ पर्नेमा बाराको सुवर्ण गाउँपालिका ६ बस्ने ३७ वर्षीय उमेश्वरप्रसाद यादव, रौतहटको पराेहा नगरपालिका ६ लौकाहा बस्ने ३८ वर्षीय दामोदर साह र रौतहटको पराेहा नगरपालिका ४ पोखरीया बस्ने ६६ वर्षीय छोटेलाल साह रहेका छन् ।भारतीय नम्बर प्लेटको मोटरसाइकलमा सवार उनीहरुलाई प्रहरी निरीक्षक दिलबहादुर बस्नेत नेतृत्वको मोबाइल गस्ती टोलीले गएराति करिब अाठ बजे पक्राउ गरेको हो ।
पक्राउ परेकाहरुबाट प्रहरीले कटुवा पेस्तोल १ थान र त्यसमा लाग्ने गोली २ राउण्ड बरामद गरेको छ । त्यसका साथै प्रहरीले धारिलो चक्कु, तार काट्ने औजार, पिलास, पेचकस, मोबाइल लगायतका सामग्री पनि बरामद गरेको जनाएको छ । पक्राउ परेकाहरुलाई सुरक्षा बेस क्याम्प फतुवामा राखिएको छ ।
