रौतहट,१० मंसिर ।
रौतहटको चन्द्रपुर नगरपालिका भित्र रहेको लायन्स क्लब अफ चन्द्रनिगाहपुरको पदस्थापना कार्यक्रम सम्पन्न भएको छ । चन्द्रनिगाहपुरको होटल अल्पाईनमा भएको पदस्थापना कार्यक्रममा सन २०१९÷२० को लागि अध्यक्ष नीशा कोईराला, उपाध्यक्ष बासु अधिकारी सहित चार जनाको कमिटीको पदस्थापना भएको हो ।
सो कार्यक्रममा प्रमुख अतिथी डिस्ट्रिक गर्भनर ३२५ एटुका शोभा जोशीले लायन्स क्लब बिशुद्ध सामाजिक क्रियाकलापमा अग्रसर संस्था रहेको बताउनु भयो । उहाले आपतकालिन अबस्थामा मानबीय सहयोगको कार्य गर्दै आएको बताउनु भयो ।
पदस्थापना कार्यक्रममा चन्द्रपुर नगरपालिकाका प्रमुख रामचन्द्र चौधरीले यस क्षेत्रमा लायन्स क्लबले सामाजिक रुपमा पुरयाएको योगदानको प्रशंसा गर्नु भएको छ । फस्ट भिडिपी डाक्टर शुसिला मल्लले मानबीय सेबाबाट पछि हटन नहुने बताउनु भयो । सामाजिक क्रियाकलापमा जोड दिनु पर्ने बताउनु भयो ।
एडिसनल ट्रेजर बिनोद गुप्ताका अनुसार लायन्स क्लबले यसपटकको पदस्थापना कार्यक्रममा चन्द्रनिगाहपुरमा रहेर सामाजिक चाबनाका साथ कार्य गर्दै आएका डाक्टर सुबास चौधरी, डाक्टर अभिनन्दन श्रीबास्तब, आँखाका डाक्टर रियाज हबिव लाई सम्मान गरिएको बताउनु भयो । यस अघि बाढि पीडितकोमा राहत, बिद्यालयमा अध्यन गर्ने बिद्यार्थी लाई कापी, कलम, बिपन्न बर्गमा निशुल्क आँखा जाँच, निशुल्क स्वास्थ्य शिबिर लगायतको कार्यक्रम लायन्स क्लबले गर्दै आएको छ । सो कार्यत्रममा स्वागत मन्तब्य बासु अधिकारीले राख्नु भएको थियो भने कार्यक्रम संचालन दिपक रेग्मीले गर्नु भएको थियो ।
