भदौ १७, २०७६ अर्घाखाँची : छत्रदेव गाउँपालिका–७ का वडाअध्यक्ष शोभाखर पाण्डेको मोटरसाइकल अज्ञात समूहले आगजनी गरेको छ। वडाध्यक्ष पाण्डेले घर नजिकै पार्किङ गरेर राखेको लु १ ब १६८८ नम्बरको मोटरसाइकल मंगलबार बिहान करिब पौने ५ बजे आगजनी भएको वडाध्यक्ष पाण्डेले बताए। गोठ नजिकै आगो बलेको आमाले देख्नुभएपछि मलाई जानकारी गराएपछि हेर्न जाँदा मोटरसाइकलमा आगो बलिरहेको अध्यक्ष पाण्डेले बताए । आगजनीबाट मोटरसाइकल पूर्ण रुपमा क्षति भएको जिल्ला प्रहरी कार्यालय अर्घाखाँचीका प्रहरी नायब उपरीक्षक प्रकाश बिष्टले जानकारी दिए । मोटरसाइकलमा आगजनी भएपछि मंगलबार बिहान वडाअध्यक्ष पाण्डेले प्रहरीलाई खबर गरेका थिए । प्रहरी पुग्दा पूर्णरुपमा क्षति भइसकेको थियो। आगजनी गर्ने अज्ञात समुहको खोजी कार्य भइरहेको प्रहरी नायव उपरीक्षक बिष्टले बताए।
थाहा खबर
