भाद्र ११ : पर्वत जिल्लाको कुस्मा नगरपालिका–२ छमर्केबाट बागलुङ जाँदै गरेको बस दुर्घटना हुँदा चालकसहित ५ जना घाईते भएका छन् ।ग१ख ८२५२ नम्बरको बस पर्वतको नयाँपुलमा विहान करिब साढे ८ बजे दुर्घटना भएको हो । बस अनियन्त्रित भई सिसौको रुखमा ठोक्किएर दुर्घटना भएको जिल्ला प्रहरी कार्यालय पर्वतले जनाएको छ ।
दुर्घटनामा चालक कुश्मा नगरपालिका–२ छमर्केका २५ वर्षीय श्याम खड्का, सोही स्थानका यात्रुहरु याम शर्मा, सविता शर्मा उनकी डेढ वर्षकी छोरी सविना शर्मा र बागलुङ नगरपालिका–७ ढिकीचौरका प्रेम शर्मा घाइते भएका हुन् ।
घाईतेहरुको धौलागिरी अञ्चल अस्पताल बागलुङमा उपचार भइरहेको छ । उनीहरुको अवस्था खतरामुक्त रहेको ट्राफिक प्रहरी पर्वतका प्रमुख रामबहादुर भट्टले जानकारी दिए । पोखरा जानका लागि रुट पर्मिट लिन बागलुङ जाँदै गरेको अवस्थामा बस दुर्घटना भएको जनाइएको छ ।
इमेज खबर
