काठमाण्डौं, २७ कार्तिक ।
अर्थमन्त्री जनार्दन शर्माले पत्रकारितासँग सम्बन्धित संघ, संगठनहरुलाई स्वतन्त्रतापूर्वक अघि बढन आग्रह गर्नु भएको छ ।नेकपा ९माओवादी केन्द्र०का नेता समेत रहनु भएका उहाँले राष्ट्रिय आत्मनिर्भरता, स्वाधिनताको रक्षा गर्दै समाजवादतिर अगाडि बढने संवैधानिक अधिकारलाई स्थापित गर्ने कुरानै सबै पत्रकारहरु र पत्रकारहरुसँग आवद्ध संघ, संगठनहरुको दायित्व भएको पनि बताउनु भयो । प्रेस सेन्टर नेपाल, गण्डकी प्रदेशको दोस्रो अधिवेशनलाई शनिबार पोखरामा उद्घाटन गर्दै उहाँले लोकतन्त्रको पक्षमा उभिने पत्रकार र त्यसका संगठनहरुलाई सरकारले सधैं सम्मान गर्ने बताउनु भयो । अर्थमन्त्री शर्माले पत्रकारहरुलाई समाजवादतिर अगाडि बढने गरी संगठन र विचारको निर्माण गर्न पनि सुझाव दिनु भयो । उहाँले भन्नु भयो, ‘पत्रकार र त्यसका संगठनहरु स्वतन्त्रतापूर्वक अगाडि बढनु हुनेछ भन्ने मैले अपेक्षा गरेको छु । परिवर्तनबाट प्राप्त भएको उपलब्धि समाजवादतिर अगाडि बढने संवैधानिक अधिकार जो छ, त्यो संवैधानिक अधिकार राष्ट्रिय आत्मनिर्भरता, स्वाधिनताको रक्षा गर्दै हामी समाजवादतिर अगाडि बढने मान्यतालाई स्थापित गर्ने कुरा नै प्रेस सेन्टर र समस्त पत्रकारहरुको दायित्व हो भन्ने कुरा म यहाँ राख्न चाहन्छु । त्यसको लागि कस्तो संगठन आवश्यक छ रु कस्तो विचार आवश्यक छ रु लोकतन्त्रको पक्षमा उभिएका प्रेस सेन्टर मात्रै होइन्, अन्य संगठनहरुले पनि लोकतन्त्रको पक्षमा गरेको संघर्ष, त्यो योगदान र बलिदानलाई हामीले त्यही रुपमा सम्मान गर्नु पर्दछ । ती सबै लोकतन्त्रको पक्षमा उभिन पत्रकारहरुका सबै संगठनहरुलाई पनि सम्मान गर्न चाहन्छु ।
अर्थमन्त्री शर्माले खोज तथा अनुसन्धानमूलक पत्रकारितामा जोड दिनुपर्ने आवश्यक्ता औंल्याउनु भयो । उहाँले पत्रकारहरुको क्षमता वृद्धिका लागि आवश्यक सहयोग गर्न सरकार तयार रहेको बताउनु भयो ।
