रौतहट २९ जेष्ठ । महोत्तरी सीमा नाकाबाट स्रोत नखुलेको करिब ८ लाख रुपैयाँ सशस्त्र प्रहरीले बरामद गरेको छ ।जिल्लाको सम्सी गाउँपालिका वडा नम्बर ५ पोखरभिण्डामा रहेको नेपाल भारत सीमा क्षेत्रमा खटिएको सशस्त्र टोलीले ७ लाख ८९ हजार ५ सय ५० रुपैयाँ बरामद गरिएको हो ।
भारतबाट नेपाल तर्फ आउँदै गरेको व्यक्तिलाई रोकी चेक जाँच गर्ने क्रममा नै भारतबाट नेपाल आउँदै गरेका एक व्यक्तिले शंकास्पद झोला फालेर फरार भएको प्रहरीले जनाएको छ ।
वेवारिसे अवस्थामा फेला परेको उक्त झोलामा स्रोत नखुलेको पैसा भेटिएको प्रहरीले जानकारी दिए । वेवारिसे अवस्थामा भेटिएको नगद रकमलाई उक्त कारबाहीको लागि जलेश्वरमा बुझइएको सशस्त्र प्रहरीले जनाएको छ ।
