काठमाडौं । समाजवादी पार्टीको भ्रातृ संगठन समाजवादी युवा संघको केन्द्रीय कार्यालय स्थापना गरिएको छ । आज एक कार्यक्रम राखि युवा संघले केन्द्रीय कार्यालय उद्घाटन गरिएको जनाइएको छ ।
कार्यक्रमका प्रमुख अतिथि समाजवादी पार्टीका केन्द्रीय अध्यक्ष उपेन्द्र यादव, विशिष्ठ अतिथि समाजवादी पार्टीका केन्द्रीय सदस्य तथा युवा इन्चार्ज देवी सुबेदी, युवा सहइन्चार्ज फिरोज मन्सुन, समाजवादी पार्टीका केन्द्रीय कार्यालयका उपप्रमुख फणीन्द्र देवकोटा लगायतका नेताहरु उपस्थित रहेको जनाइएको छ ।
कार्यक्रममा समाजवादी पार्टीका केन्द्रीय अध्यक्षले रिवन काटी युवा संघको कार्यालय उद्घाटन गरिएको जनाइएको छ । कार्यक्रममा बोल्दै अध्यक्ष यादवले देशका कर्णधार भनेका युवा हुँन । जवसम्म युवाले देशमा नेतृत्व लिदैन, तव सम्म देशको विकास हुन सक्दैन ।
आज विभिन्न देशमा देशको नेतृत्व गर्ने युवा नै रहेको केन्द्रीय अध्यक्ष यादवले बताए । कार्यक्रमका अध्यक्षता समाजवादी युवा संघको केन्द्रीय अध्यक्ष तथा प्रदेश नं. २ का कृषि राज्य मन्त्रि योगेन्द्र राय यादवले गरेको जनाइएको छ ।
