रौतहट ८ मंसिर ।
रौतहटको गढीमाइ नपा २ मा नेकपाले चुनावी प्रचार अभियान तिव्र पारेको छ ।
आइतवार नेकपा प्रदेश २ का अध्यक्ष तथा सांसद प्रभु साह प्रचार प्रसारमा सकृय हुनु भएको छ ।
गढीमाइ २ मा जवार मियालाइ बिजयी गराउन केन्द्रिय सदस्य तथा जिल्ला इन्चार्ज, युवराज भट्टराइ समिर, पुर्व सासद देबेन्द्र पटेल, सत्यनारायण भगत, गढीमाइका नगरकमिटी अध्यक्ष रामपुकार यादव लगाएत सकृय भएर मत मागिरहेका छन ।
नेपाल कम्युनिष्ट पार्टी (नेकपा) प्रदेश २ का अध्यक्ष प्रभु साहले गाउ शहरको बिकास र समृद्धिका लागि नेकपाका उम्मेदवारलाई मतदान गर्न आग्रह गरेका छन् ।
मंसिर १४ गते हुने उपनिर्वाचनका क्रममा रौतहटको गढीमाई नगरपालिका वडा नं. २ का उम्मेद्वार जवार मियाँको चुनावी सभा तथा घरदैलो कार्यक्रममा सहभागि नेता साहले स्थानीय तहको बिकासका लागि नेकपाको बिकल्प नभएको बताए । मुलुकको समृद्धि, सुशासन तथा प्रगतिका लागि नेकपाको बिकल्प नरहेको बताउदै साहले गाउदेखी शहरसम्मको बिकासका लागि मुलुकमा नेकपा आवश्यक रहेको बताए । भ्रष्टाचार तथा प्रदेश २ सरकारको बजेटमा भईरहेको भागबण्डाको बिरुद्धमा नेकपालाई मतदान गर्न अहिलेको आवश्यक्ता रहेको उनले बताए । समाजको परिवर्तन, बिकास तथा समृद्धिका लागि नेकपा नेतृत्वको सरकार योजनाबद्ध तरिकाले अगाडी बढीरहेको बताउदै उनले ‘समृद्ध नेपाल, सुखी नेपाली’ को सपना पुरा गर्न नेकपाका उम्मेदवारलाई अत्याधिक मतले बिजयी गराउन आग्रह गरे ।
नेकपा केन्द्रीय सदस्य एवं पुर्वमन्त्री समेत रहेका नेता साहले अहिले प्रदेश २ सरकारले जनताको चाहना बिपरित काम गरिरहेको आरोप लगाए । प्रदेश २ सरकारले बिकासको बजेटमा लुटतन्त्र मचाएको बताए । कमिशन, भ्रष्टाचार, कुशासन, मनपरीतन्त्रमा प्रदेश २ सरकार लागेको बताउँदै उनले जनताको चाहना र आवश्यक्ता बिपरित काम गरेको बताए । प्रदेश २ को समृद्धि र सुशासनका लागि प्रधानमन्त्री केपी शर्मा ओली नेतृत्वको संघीय सरकारले बिभिन्न राष्ट्रिय गौरव तथा राष्ट्रिय महत्वका आयोजनाहरुको निर्माण कार्य तिब्र गतिमा गरिरहेको उनले बताए । हुलाकी राजमार्ग, पुर्वपश्चिम रेलमार्ग, बारा अन्तर्रा्ष्ट्रिय बिमानस्थल, काठमाडौं–तराई मधेस फास्ट ट्याक, मधेसको जिल्ला सदरमुकाम जोडने उतरदक्षिण राजमार्ग लगायतका आयोजनाहरुको निर्माणले प्रदेश २ समृद्ध हुने बताउँदै उनले यि आयोजना सम्पन्न गर्न सरकार लागि परेको बताए ।
