गजल
–शारदा ओली
तिमी नेपाल आमाका सन्तति हौ गद्दार नबन
नेताको महत्वाकांक्षा पूरा गर्ने हतियार नबन
आफ्नो स्वाभिमान बचाई राख चाकडी नगर
नेपाल आमाका लागि कहिल्यै पनि भार नबन
सुन्दर, शान्त, विशाल छ जडीबुटीले भरिएको
सके रोग हटाउने जडिबुटी बन तर झार नबन
सिद्धान्तकै राजनीति गर नेताको पछि नलाग
सकेसम्म नेताको हातको तिमी तरबार नबन
बाँच्न सिक गरिब निमुखा असहायका लागि
धनीको लागि कहिल्यै’नि तिमी मद्दतगार नबन
–हेटौडा
