काठमाडौँ,२२ चैत । चिनियाँ नागरिकलाई बन्धक बनाएर लुटपाट गर्ने गिरोहलाई प्रहरीले पक्राउ गरेको छ ।
महानगरीय प्रहरी परिसर कार्यालय काठमाडौँका अनुसार पक्राउ पर्नेमा सिन्धुपाल्चोकका २८ वर्षीय फुलकाजी तामाङ, २४ वर्षीय अमिर तामाङ, २८ वर्षीय बुद्ध तामाङ, २८ वर्षीय रोशन लामा रहेका छन् ।

परिसरका प्रवक्ता एसपी रमेशकुमार बस्नेतका अनुसार उनीहरुले गत १६ चैतमा काठमाडौँ-२६ ठमेलस्थित चिनियाँ नागरिक ३४ वर्षीय युन जियोमेनको कोठामा लुटपाट गरेका थिए । काठमाडौँका विभिन्न स्थानमा बस्ने उनीहरुले चिनियाँ नागरिक, उनकी श्रीमतीलगायतलाई धारिलो हतियार देखाएर हातखुट्टा बाँधेर बन्धक बनाएका थिए ।
त्यसपछि घरमा रहेका धनमाल लुटेर फरार भएका थिए । उनीहरुलाई परिसर र महानगरीय प्रहरी वृत्त लैनचौरको विशेष प्रहरी टोलीले शनिबार र आइतबार विभिन्न स्थानबाट पक्राउ गरेको हो ।

उनीहरुको साथबाट ७ लाख ९२ हजार रुपैयाँ, चिनियाँ युआन ६ हजार, १ सय, सुनको तिलहरी, बाला, कानमा लगाउने मुन्द्रा, औंठी बरामद गरिएको प्रहरीले जानकारी दिएको छ ।

LEAVE A REPLY

Please enter your comment!
Please enter your name here