काठमाडौं ७ माघ । धादिङ, नीलकण्ठ नगरपालिका–८ मा मिनिट्रक गाडी दुर्घटना हुँदा ६ जनाको निधन भएको छ । धादिङकै ज्वालामुखी गाउँपालिका–४ ढोलामण्डलीको दर्शन गरेर फर्किएका तीर्थयात्री बोकेको ग १ ख ८०१२ नम्बरको मिनिट्रक सडकमै पल्टिँदा ६ जनाको मृत्यु भएको जिल्ला प्रशासन कार्यालयले जनाएको छ ।
दुर्घटना दिउँसो ३स्५० बजे भएको र २० तीर्थयात्री सक्त घाइते भएको सहायक प्रमुख जिल्ला अधिकारी अर्जुनकुमार शर्माले जानकारी दिए ।
उनका अनुसार घटनास्थलमा प्रहरी परिचालन भइसकेका छन् । घाइतेको जिल्ला अस्पतालमा उपचार भइरहेको छ । घाइतेलाई काठमाडौं ल्याउन हेलिकोप्टर मगाइसकेको उनले बताए ।
मिनिट्रक ज्वालामुखी गाउँपालिका ४ बाट धादिङबेसी फर्किँदै गरेको बताइएको छ । गाडीमा करिब ४० यात्रु सवार रहेको प्रत्यक्षदर्शीले बताएका छन् । गाउँपालिकाको ढोलामण्डलीमा मंगलबार मेला लागेको र तीर्थयात्री सोही मेला दर्शन गर्न गएको प्रत्यक्षदर्शी बताउँछन्
