काठमाण्डौं, ७ मंसिर ।
सामाजिक कार्यमा सक्रिय रहँदै आएकी पूर्वयुवराज्ञी हिमानी शाहले रक्तदान गरेकी छिन्।
हिमानी कोष तथा लायन्स क्लव अफ काठमाडौँले शनिबार काठमाडौँको तीनकुनेमा आयोजना गरेको रक्तदान तथा शैक्षिक सामग्री वितरण कार्यक्रम शाहले रक्तदान गरेकी हुन्।
तीनकुनेको सिद्धेश्वर माविमा भएको कार्यक्रममा निःशुल्क स्वास्थ्य शिविरसँगै विद्यार्थीहरुलाई शैक्षिक सामग्री वितरण गरिएको थियो भने रक्तदान पनि गरिएको थियो।कार्यक्रममा पूर्वयुवराज्ञी हिमानी शाह, उनका छोरा हृदयन्द्र शाह, पूर्वअधिराजराजकुमारी प्रेरणा शाह तथा अभिनेत्री मनिषा कोइरालाको सहभागिता थियो।
रक्तदान कार्यक्रममा पूर्वयुवराज्ञी हिमानी शाहसंगैं पूर्वअधिराजकुमारी प्रेरणा शाहले पनि रक्तदान गरेका थिए। उता कार्यक्रममा सहभागी छोरा हृदयन्द्रले पनि रक्तदान दिने भने पनि उमेर नपुगेपछि उनले भने रक्तदान गर्न पाएनन्। उनीहरुले साधारण व्यक्तिहरु सँगै रक्तदान गरेका थिए। रक्तदान गरेपछि उनीहरुले जुस खाएका थिए। रक्तदानपछि उनले स्वास्थ्य शिविरको अवलोकन पनि गरेकी थिइन्। देशसञ्चारको सहयोगमा ।
