काठमाण्डौं,४ मंसिर ।
राष्ट्रिय जनता पपार्टी (राजपा) अध्यक्ष मण्डलको संयोजकमा पुनःराजेन्द्र महतो चयन भएका छन्।
चक्रीय प्रणाली अनुसार मंसिर ५ गते देखी लागु हुने गरी २ महिनासम्मका लागि महतोलाई संयोजक चुनिएको हो।
बुधबार बबरमहलस्थित राजपाको केन्द्रीय कार्यालयमा बसेको अध्यक्षमण्डलको बैठकले सो निर्णय गरेको हो ।
अध्यक्षमण्डलको बैठकले तदर्थ समिति गठन निर्देशिकाअनुसार अहिलेसम्म पनि काम सम्पन्न नभएको २० दिनको समय थप गरिएको निर्णय गरेको छ ।
केन्द्रीय पर्यवेक्षकहरु आआफ्नो क्षेत्रमा गई मंसिर २५ गतेसम्म गठनसम्बन्धी सम्पूर्ण कार्य सम्पन्न गरी केन्द्रीय कार्यालयमा प्रतिवेदन बुझाउन अध्यक्षमण्डलले निर्देशन गरेको छ ।
