रौतहट, ४ कार्तिक ।
कटहरिया नगरपालिकाले आफना मातहतमा रहेको विधालयका छात्राहरुलाई सेनेटरी पैड वितरण गरेको छ ।
नगरपालिकाले आज एक कार्यक्रमको आयोजना गरि जनता माध्यमिक विधालय कटहरिया, माध्यमिक विधालय भसेढवाका कक्षा ९,१०,११ र १२ मा अध्ययनरत विधार्थीहरुलाई निशुल्क पैड वितरण गरेका छन् ।
कटहरिया नगरपालिकाद्धारा आयोजित कार्यक्रममा नगर प्रमुख तथा कार्यक्रमका प्रमुख अथिती सियाराम प्रसाद कुशवाहाले विधार्थीहरुले स्वस्थ वातावरणमा पढन पाउनु पर्ने धारणाका साथ पैड वितरण गरिएको बताए । कार्यक्रमका विशिष्ट अथिति एवम नगर उप प्रमुख नुरजहा खातुनले छात्राहरुले महिनवारी भएका बेला विधालय आउन नसक्ने भएकाले विधालय आउन सहजताका लागि यस्ता कार्यक्रम संचालन गरिएको बताईन्।
कार्यक्रमका अर्का विशिष्ट अथिति एवम प्रमुख प्रशासकिय अधिकृत मनोज कुमार रजकले छात्राहरुको मनोबल बढाउन तथा सबैलाई सम्मान गर्न कार्यक्रमको परिकल्पना गरिएको बताए । सेनेटरी पैड वितरण कार्यक्रममा सम्बन्धित विधालयका प्र.अ.तथा शिक्षकहरु एवम सम्बन्धित वडाका वडाअध्यक्षहरुको सहभागीता रहेको थियो ।
