भाद्र , २८ :
जिल्ला प्रहरी कार्यालय रुपन्देहीले भैरहवा क्षेत्रमा मोटरसाइकल चोरी गर्ने
एक जनालाई पक्राउ गरेको छ । पक्राउ पर्नेमा सिद्धार्थनगर नगरपालिका –९ का
२५ बर्षीय सबिर पठान रहेका छन् ।भदौ २५ गते दिउँसो करिव ३ देखि ४ बजेको
समयमा सिद्धार्थनगर नगरपालिका– १२ प्रहरी टोलमा रहेको प्राइम लाइफ
ईन्स्योरेन्स कम्पनी लिमिटेड अगाडि पार्किङ्ग गरिराखेको लु३६प ४१६८ नम्बरको
स्पेलन्डर मोटरसाइकल चोरी गरेको आरोपमा पठानलाई पक्राउ गरेको हो ।जिल्ला प्रहरी कार्यालयबाट खटिएको प्रहरी टोलीले उक्त मोटरसाइकल सिद्धार्थनगर नगरपालिका–९ गोलीगढ बस्ने पठानको घरबाट बरामद गरेको रुपन्देहीका प्रहरी प्रवक्ता तथा सूचना अधिकारी प्रहरी नायब उपरिक्षक वीरेन्द्र बहादुर शाहीले जानकारी दिए । चोरी भएको उक्त मोटरसाइकलसहित चोरीमा संलग्न पठानलाई पक्राउ गरी आवश्यक कारवाही प्रक्रिया अगाडी बढाइएको प्रहरीले जनाएको छ ।
