पाल्पा । सिद्धार्थ राजमार्ग अन्तरगत बुटवल–पाल्पा सडक खण्डको तिनाउ गाउँपालिका -५ डुम्रेमा कार र मोटरसाइकल ठोक्किँदा दुई जना घाईते भएका छन् ।
बुटवलबाट तानसेनतर्फ आउँदै गरेको न २८ प १९७४ नम्बरको मोटरसाईकल र बा १३ च १५८४ नम्बरको कार एक आपसमा ठोक्किँदा मोटरसाइकलमा सवार नवलपरासि देवचुली नगरपालिकाका ३४ वर्षीय छविलाल बस्नेत र उनकी श्रीमती दुर्गा बस्याल घाईते भएको प्हरीले जनाएको छ ।
घाइतेको लुम्बिनी मेडिकल कलेज प्रभासमा उपचार भईरहेको ट्राफिक प्रहरी जवान विक्रम थापाले जानकारी दिए । पछिल्लो समय बुटवल पाल्पा – सडक खण्डको डुम्रे क्षेत्रमा दिनहुँ जस्तो दुर्घटना हुने गरेको छ ।
