पर्सा,२१ असार ।
वीरगंज को एक उद्योगमा भीषण आगलागी भएको छ । महानगरपालिका २१ स्थीत लिपनीविर्तामा रहेको सुशील वनस्पतिमा शनिबार बिहान करिब ३ बजेबाट सुरु भएको आगलागी अहिलेसम्म नियन्त्रणमा आउन नसकेको जिल्ला प्रहरी कार्यालय पर्साका प्रहरी नायव उपरीक्षक अनन्तराज शर्माले जानकारी दिए ।
विद्युत सट भई सुरु भएको आगोलाई वीरगन्ज महानगरपालिका, पोखरिया नगरपालिका, कलैया नगरपालिका अमलेखगञ्जलगायतका ठाउँबाट आएका सात वटा दमकल, स्थानीय, सुरक्षाकर्मीलगायतले नियन्त्रण गर्ने प्रयास भइरहेको प्रहरीले बताएको छ।
